Kabulda Azərbaycan dili dərsi: Qızılbaşlar ana dilini yaşadır
Əfqanıstanın paytaxtı Kabulda Azərbaycan dili tədris olunur. Əfşar-Nanakçi yaşayış məntəqəsində yerləşən məktəbdə Qızılbaş icmasının nümayəndələri ana dillərində təhsil alır və tədris prosesində fəal iştirak edirlər.
Crossmedia.az bu barədə xarici mediaya istinadən xəbər verir.
Məktəbdə Azərbaycan dili müəllimi Gülsüm İbrahimi Əfşar dərsləri aparır.
Qızılbaş qadınları mövcud məhdudiyyətlərə baxmayaraq, həm müəllim, həm də şagird kimi yalnız ana dili deyil, digər ümumi fənlərin də tədrisinə qatılırlar.
Qeyd edək ki, 2004-cü ildə qəbul edilmiş Əfqanıstan Konstitusiyasına əsasən, Qızılbaşlar ölkənin rəsmi xalqlarından biri kimi tanınır. Əfşar-Nanakçi ərazisi isə əsrlər boyu Azərbaycan türk dilinin qorunub saxlanılması və nəsildən-nəslə ötürülməsi ilə seçilir.
19:31 25.12.2025
Oxunuş sayı: 1318
