Zaxarova: Berlin Milad bayramı üçün bəzəkləri maliyyələşdirə bilmir
Almaniyanın paytaxtı Berlin anti-Rusiya siyasi kursuna görə Milad bayramı üçün şəhəri bəzəmək üçün vəsait tapa bilmir.
Crossmedia.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova “Rossiya 24” telekanalına verdiyi müsahibədə bildirib.
Diplomat qeyd edib ki, Berlin meri yayda artıq vəsait çatışmazlığı səbəbindən ənənəvi Milad bəzəklərinin olmayacağını açıqlamışdı. Zaxarovanın sözlərinə görə, xarici agentlər şəhərdə Milad ağaclarının nümayiş etdirilməsi ilə bağlı məlumatları təkzib etməyə çalışıblar, lakin bunun kim tərəfindən maliyyələşdirildiyi göstərilməyib.
Onun sözlərinə görə, hazırda Milad ağacları və bəzəklər yalnız vətəndaşlar və müəssisələrin birgə səyi ilə təmin olunur.
Nəzrin Abbas
13:00 25.12.2025
Oxunuş sayı: 3267
