Bakı–Qroznı reysinin sağ qalan bələdçiləri Çeçenistanın dövlət mükafatları ilə təltif olunub
Bakı–Qroznı aviareysi üzrə baş vermiş hadisədən sağ çıxan bələdçilər — Zülfüqar Asadov və Aydan Rəhimli Çeçenistan Respublikasının dövlət mükafatlarına layiq görülüblər.
Crossmedia.az xəbər verir ki,onlara təqdim edilən “Çeçenistan Respublikası qarşısında xidmətlərinə görə” medalları Qroznı şəhərində keçirilən xatirə lövhəsinin açılış mərasimi zamanı Azərbaycan Hava Yollarının (AZAL) prezidenti Samir Rzayevə təhvil verilib. Mükafatlar qəhrəmanlıq, peşəkarlıq və fövqəladə vəziyyətdə sərgilənən yüksək fədakarlığa görə verilib.
Mərasimdə rəsmi şəxslər, aviasiya nümayəndələri və ictimaiyyət üzvləri iştirak ediblər. Çıxışlarda bələdçilərin sərnişinlərin təhlükəsizliyi naminə göstərdikləri cəsarət və insan həyatına sadiqlik xüsusi vurğulanıb.
Qeyd edək ki, Zülfüqar Asadov və Aydan Rəhimli baş verən hadisə zamanı peşə borclarını layiqincə yerinə yetirərək sərnişinlərin təhlükəsizliyinin təmin olunmasında mühüm rol oynayıblar. Bu təltif onların əməyinə və fədakarlığına verilən yüksək qiymət kimi dəyərləndirilir.
Nastya Qəniyeva
20:10 24.12.2025
Oxunuş sayı: 1723
