Ermənistan Naxçıvan istiqamətində atəş iddialarını təkzib etdi
Ermənistan Müdafiə Nazirliyinin mətbuat katibi Aram Torosyan sosial şəbəkələrdə yayılan, guya Azərbaycan Silahlı Qüvvələrinin Naxçıvan istiqamətində erməni mövqelərini atəşə tutması barədə məlumatları təkzib edib.
Crossmedia.az xəbər verir ki, bu barədə xarici KİV məlumat yayıb.
Məlumata görə, Torosyan bildirib ki, bu iddialar həqiqətə uyğun deyil və növbəti dezinformasiyadır.
“Bu, reallığı əks etdirmir. Əgər bu hibrid kampaniyanın təzahürü deyilsə, bəs nədir?” – deyə o, “Facebook” səhifəsində yazıb.
Qeyd edək ki, daha əvvəl jurnalist David Qalstyan 23 dekabr axşamı Azərbaycan hərbçilərinin sərhəddə erməni mövqelərinə bir neçə dəfə atəş açdığına dair iddia irəli sürmüş, atəşlərin guya hədəfli olmadığını bildirib.
17:46 24.12.2025
Oxunuş sayı: 3156
