Putinin Durova verdiyi tövsiyə ilə bağlı yeni detallar ortaya çıxıb
Rusiya prezidenti Vladimir Putinin 2013-cü ildə Telegramın qurucusu Pavel Durova biznesini Rusiyadan kənarda aparmağı tövsiyə etdiyi bildirilir. Bu barədə jurnalist Nikolay Kononovun "Durovun Kodu 2" kitabında yer alan xatirələrdə qeyd olunur.
Crossmedia.az xarici mediaya istinadən xəbər verir ki, kitabda Kononovun Durovla söhbətinə istinadən bildirilir ki, görüş zamanı Putin təşəbbüsü öz əlinə alaraq Rusiyada müəyyən məzmun növlərinin arzuolunmaz olduğunu vurğulayıb. Durovun sözlərinə görə, Putin pornoqrafiya və qeyri-qanuni kino məzmununa işarə edərək, bu cür fəaliyyətlərin Rusiyada yolverilməz olduğunu bildirib.
Məlumata əsasən, Putin Durova belə bizneslə məşğul olmaq istədiyi təqdirdə bunu başqa ölkədə, o cümlədən İsraildə həyata keçirməyi tövsiyə edib.
Qeyd edək ki, sözügedən açıqlamalar Pavel Durovun Rusiya hakimiyyəti ilə münasibətləri və ölkədən kənarda biznes qurması ilə bağlı müzakirələr fonunda diqqət çəkir.
Nigar Yahyazadə
10:42 24.12.2025
Oxunuş sayı: 3392
