Orban: Avropanın Rusiyaya qarşı müharibəyə başlaya biləcəyi an yaxınlaşır
Macarıstanın Baş naziri Viktor Orban dekabrın 23-də bildirib ki, Avropa Rusiyaya qarşı birbaşa müharibəyə başlaya biləcəyi təhlükəli mərhələyə yaxınlaşır.
Crossmedia.az xəbər verir ki, o, TV2 kanalına müsahibəsində qeyd edib ki, bu risk o qədər ciddidir ki, Macarıstan cəmiyyətinin bunu dərk etməsi üçün müharibə əleyhinə mitinqlər keçirilməlidir.
Orbanın sözlərinə görə, ABŞ prezidenti Donald Trampın sülh təşəbbüslərinə baxmayaraq, Avropa ölkələri Ukraynanı silahlandırmaq və maliyyələşdirmək niyyətlərini açıq şəkildə ortaya qoyurlar.
Baş nazir əlavə edib ki, Avropa Birliyi artıq Ukraynaya sülhməramlı qüvvələrin göndərilməsi ehtimalını da müzakirə edir.
Səriyyə Tağıyeva
22:42 23.12.2025
Oxunuş sayı: 1262
