Rumıniyada hökumətdə kadr dəyişiklikləri baş verib
Rumıniyada hökumətin tərkibində kadr dəyişiklikləri həyata keçirilib. Prezident Nikuşor Dan tərəfindən imzalanan müvafiq sərəncamlara əsasən, Radu Miruta ölkənin yeni milli müdafiə naziri, İrineu Dare isə iqtisadiyyat, rəqəmsallaşma, sahibkarlıq və turizm naziri təyin olunub.
Bu barədə Crossmedia.az TASS-a istinadən xəbər verir.
Məlumata görə, dəyişikliklər hökumətin fəaliyyətinin səmərəliliyinin artırılması və əsas sahələr üzrə islahatların sürətləndirilməsi məqsədi daşıyır. Yeni təyinatların, xüsusilə müdafiə və iqtisadiyyat sahələrində prioritet istiqamətlər üzrə qərarların qəbuluna və dövlət siyasətinin icrasına təsir göstərəcəyi gözlənilir.
Türkanə Məşədiyeva
18:27 23.12.2025
Oxunuş sayı: 930
