Fransada yaşayış binasında partlayış: qadın və üç uşaq ağır yaralandı
Fransanın İlde-de-Frans regionunda, Manhi-le-Amo kommunasında yaşayış binasında baş verən partlayış nəticəsində 39 yaşlı qadın və üç uşağı ağır xəsarət alıb.
Bu barədə Crossmedia.az xarici mediaya istinadən xəbər verir.
Yaralılar hadisə yerinə gələn yanğınsöndürənlər tərəfindən xilas edilərək tibbi yardım alıblar.
Hadisə zamanı əlavə olaraq beş yetkin və iki uşaq da xəsarət alıb.
Yerli hakimiyyət orqanları zərərçəkənlər üçün qəbul mərkəzi və təcili psixoloji yardım bölməsi təşkil edib.
Hadisə yerinə təxminən 70 yanğınsöndürən cəlb olunub, təhlükəsizlik périmetrı qurulub, qaz təchizatı dayandırılıb, yaxınlıqdakı binalarda isə elektrik enerjisi kəsilib.
22 dekabrda Fransada Elkem Silicones şirkətinə aid silikon məhsulları zavodunda da partlayış baş verib, azı dörd nəfər xəsarət alıb. Bundan əvvəl isə Fransada tele-radio şirkətinin heyəti partlayış təhlükəsi səbəbindən təxliyə olunub.
Mehriban İbrahimli
18:12 23.12.2025
Oxunuş sayı: 869
