Xarici xəbərlər

Suriya xarici işlər və müdafiə nazirləri Moskvaya səfər edəcəklər

Suriya Keçid Hökumətinin Xarici İşlər naziri Əsəd əl-Şaibani və Müdafiə naziri Murhaf Abu Qasra rəsmi səfərlə Moskvaya gələcəklər.

Bu barədə Crossmedia.az Suriya Xəbər Agentliyi SANA-nın məlumatına istinadən xəbər verir.

Nazirlər Rusiya rəsmiləri ilə görüşlər keçirməyi planlaşdırırlar. Suriya nümayəndə heyətinə həmçinin Baş Kəşfiyyat İdarəsinin nümayəndələri də daxildir.

Yeni Suriya hakimiyyətinin Rusiyaya ilk rəsmi səfəri iyul ayının sonunda baş tutmuşdu. Əsəd əl-Şaibani Rusiya Xarici İşlər naziri Sergey Lavrov və Müdafiə naziri Andrey Belousov ilə görüşmüş, daha sonra Suriya nümayəndə heyəti Prezident Vladimir Putin tərəfindən Kremlə qəbul edilmişdi.

Oktyabrın 15-də isə müvəqqəti Suriya lideri Əhməd əl-Şaraa Rusiyaya ilk səfərini edib və Putinlə görüşündə Moskva ilə münasibətləri yenidən bərpa etmək niyyətini ifadə etmişdi.

Mehriban İbrahimli

🖨 Çap et

17:57 23.12.2025

Oxunuş sayı: 1105