İsrailin müdafiə naziri: Suriyadan və Qəzzadan geri çəkilməyəcəyik
İsrailin müdafiə naziri Katz ölkəsinin Suriyadakı və Qəzzadakı mövqelərindən geri çəkilməyəcəyini açıqlayıb.
Bu barədə Crossmedia.az xarici mediaya istinadən xəbər verir.
Onun sözlərinə görə, İsrail Suriyadan “bir santimetr də geri çəkilməyəcək” və təhlükəsizlik maraqlarını qorumaqda qətiyyətlidir.
Katz həmçinin qeyd edib ki, boşaldılmış yaşayış məntəqələrinin yerinə Şimali Qəzzada yeni yaşayış məntəqələri salmaq planlaşdırılır. Bu addımın regionda İsrailin mövqeyini möhkəmləndirmək məqsədini daşıdığı vurğulanıb:
“Qəzzadan heç vaxt geri çəkilməyəcəyik” — deyə Katz açıqlamasında əlavə edib. İsrail rəsmisinin bu bəyanatı, regiondakı gərginliyi artıran addımlar və təhlükəsizlik strategiyasının bir hissəsi kimi qiymətləndirilir.
Ekspertlər hesab edirlər ki, bu tip açıqlamalar həm daxili auditoriyaya, həm də beynəlxalq ictimaiyyətə İsrailin mövqeyini nümayiş etdirmək məqsədini güdür.
Mehriban İbrahimli
17:50 23.12.2025
Oxunuş sayı: 993
