Cənubi Qafqazda kommunikasiyaların açılması üçün dördtərəfli format müzakirə olunur
Avropa İttifaqının rəsmisi Marta Kos Cənubi Qafqazda nəqliyyat və iqtisadi bağlantıların açılması ilə bağlı yeni diplomatik təşəbbüsdən danışıb. Onun sözlərinə görə, Bakı-İrəvan-Ankara-Brüssel formatında dördtərəfli əməkdaşlıq mexanizmi artıq müzakirə predmetinə çevrilib.
Crossmedia.az xarici mediaya istinadən xəbər verir ki, Ermənistanın xarici işlər naziri Ararat Mirzoyan keçirdiyi brifinqdə məlumat verib. O bildirib ki:
TRIPP layihəsi regiondakı əlaqələrin yalnız bir hissəsidir; məqsəd Qərb və Şərq arasında dayanıqlı nəqliyyat xətti yaratmaqdır.
Dördtərəfli formatın müzakirələri oktyabr ayında keçirilən nazirlər görüşü zamanı başlanıb.
Həmin müzakirələrin davamı kimi Daşkənddə investisiya forumu təşkil edilib və tərəflər mümkün əməkdaşlıq istiqamətlərini geniş şəkildə nəzərdən keçiriblər.
Regionda kommunikasiya xətlərinin açılması həm ticari, həm siyasi, həm də təhlükəsizlik baxımından böyük əhəmiyyət daşıyır. Onun sözlərinə görə, Azərbaycan, Ermənistan və Türkiyənin prosesdə iştirak etməsi Aİ üçün strateji önəm daşıyır, çünki bu xətt Avrasiya məkanında yeni iqtisadi dəhlizlərin formalaşmasına səbəb ola bilər.
Ekspertlər hesab edir ki, Aİ-nin bu təşəbbüsü Brüsselin Cənubi Qafqazdakı rolunu gücləndirmək cəhdi kimi dəyərləndirilir. Danışıqların hansı istiqamətdə inkişaf edəcəyi, xüsusilə Bakı və Ankaranın mövqelərinin necə formalaşacağı isə növbəti aylar üçün əsas diqqət nöqtəsi olacaq.
Sevinc Yarməmmədova
18:02 02.12.2025
Oxunuş sayı: 707
