Xarici xəbərlər

YouGov sorğusu: ABŞ cəmiyyəti Trampın Ukrayna siyasətini dəstəkləmir

YouGov-un ABŞ-də keçirdiyi sorğu nəticələrinə görə, amerikalıların əksəriyyəti prezident Donald Trampın Ukraynadakı münaqişənin həllinə dair addımlarını müsbət qiymətləndirmir.

Crossmedia.az xarici KİV-ə istinadən xəbər verir ki, respondentlərin 46%-i Trampın Ukrayna siyasətini düzgün hesab etmir, onlardan 36%-i bu mövqedə qətiyyətlidir. Siyasəti dəstəkləyənlərin sayı isə 36% təşkil edir.

Sorğu iştirakçılarının 42%-i hesab edir ki, ABŞ Ukraynanı Rusiyadan müdafiə etməlidir, 32%-i isə bunun Vaşinqtonun öhdəliyi olmadığını düşünür.

2025-ci ildə Kiyev və Moskva arasında sülh sazişinə nail olunacağına dair gözləntilər də aşağıdır. Respondentlərin 31%-i belə bir razılaşmanı “çox az ehtimallı” sayır, 22%-i isə tamamilə mümkünsüz hesab edir.

Türkan Kərimli

🖨 Çap et

16:01 28.11.2025

Oxunuş sayı: 932