Erməni deputat: Paşinyanın ABŞ-yə səfəri uğursuzluqla nəticələndi
Ermənistan parlamentinin “Hayastan” fraksiyasının deputatı Aspram Krpeyan baş nazir Nikol Paşinyanın ABŞ-yə səfərini sərt tənqid edib.
Deputatın sözlərinə görə, hazırkı hakimiyyətin həyata keçirdiyi xarici səfərlər nə Ermənistan dövlətçiliyinə, nə də erməni xalqına hər hansı bir fayda gətirir. O, Paşinyanın Vaşinqton səfərini “ümidsizlik səfəri” adlandıraraq, səfərin nəticəsiz qaldığını vurğulayıb.
“Bu şəxslər işğalçı dəstənin nümayəndələridir, onlar Türkiyə-Azərbaycan kollektiv maraqlarına xidmət edirlər və hazırda Ermənistan dövlətçiliyinin cilovu onların əlindədir. Ona görə də onların istənilən səfərinin və ya təşəbbüsünün Ermənistanın və erməni xalqının xeyrinə nəticə verəcəyini düşünmək sadəlövhlükdür”, - deyə Krpeyan bildirib.
Deputat əlavə edib ki, Paşinyan hökumətinin siyasəti nəticəsində Ermənistan-ABŞ münasibətləri ciddi zərər görüb və bu, açıq şəkildə qeydə alınmalıdır.
18:16 10.02.2025
Oxunuş sayı: 10834
