Zaxarova TASS-ın Avropa alyansından çıxarılmasını tənqid edib
Rusiya Xarici İşlər Nazirliyinin rəsmi nümayəndəsi Mariya Zaxarova TASS informasiya agentliyinin Avropa Xəbər Agentlikləri Alyansından (EANA) çıxarılmasını mətbuat azadlığı prinsiplərinə zidd qərar kimi qiymətləndirib.
Crossmedia.az xəbər verir ki, TASS agentliyi bu barədə məlumat yayıb.
Zaxarova bildirib ki, alyans bu qərarı ilə mətbuat azadlığını dəstəkləmək iqtidarında olmadığını nümayiş etdirib.
Rusiya XİN rəsmisi alyansın “militarist psixoza” qapıldığını və Kiyevin maraqları naminə Rusiya ilə gərginliyin artırılması kursunu dəstəklədiyini iddia edib.
Qeyd edək ki, EANA-nın Baş Assambleyası noyabrın 13-də Kiprin Larnaka şəhərində keçirilən toplantıda TASS-ın təşkilatdan çıxarılması barədə qərar qəbul edib. Rusiya agentliyinin alyansdakı üzvlüyü 2022-ci ildən dayandırılmışdı.
16:33 14.11.2026
Oxunuş sayı: 147
