Türkiyədə yeni gəlir mənbəyi: kilosu 16 manata satılır
Türkiyənin Antalya vilayətinin Akseki rayonunda üzüm yığımının son mərhələsində bağlarda qalan məhsul ənənəvi üsulla bəhməzə çevrilir. Hazır məhsulun bir kiloqramı 500 Türkiyə lirəsinə (16 AZN) satılır.
Crossmedia.az xəbər verir ki, bu barədə “Haber Global” məlumat yayıb.
Bildirilib ki, noyabr ayında bağlarda qalan və satışa çıxarılmayan son üzümlər emal edilərək bəhməz hazırlanmasında istifadə olunur. İstehsal prosesi üzümün sıxılması ilə başlayır. Əldə edilən şirəyə turşuluğu azaltmaq və çöküntünü ayırmaq üçün xüsusi qatqı əlavə edilir.
Daha sonra qarışıq qaynadılır və dincəlməyə qoyulur. Torpaq dibə çökdükdən sonra üzüm şirəsinin duru hissəsi ayrılaraq geniş qazanlara tökülür. Şirə odun odunda saatlarla qaynadılaraq qatılaşır və bəhməzə çevrilir.
Rayonda bəhməz istehsalı ilə məşğul olan Fatma Qara bildirib ki, bu il 14 dönümlük üzüm bağında təxminən 20 ton məhsul yetişdirib. O, bəhməz hazırlanmasının xeyli zəhmət tələb etdiyini və istehsal prosesində dostlarının da köməyindən istifadə etdiklərini söyləyib.
İstehsalçılar bir il ərzində çəkdikləri zəhmətin bəhrəsini toplamaq üçün məhsulun emalına gecə-gündüz davam edirlər.
20:48 15.11.2026
Oxunuş sayı: 104
