Yüzlərlə insan Trampın səfərinə etiraz etdi – Manilada qarşıdurma
ABŞ Prezidenti Donald Trampın ASEAN sammitində iştirak etmək üçün Filippinə planlaşdırılan səfəri ölkənin paytaxtı Manilada etiraz aksiyalarına səbəb olub. Nümayişçilərlə polis arasında qarşıdurma yaşanıb.
Crossmedia.az xəbər verir ki, bu barədə “SonDakika” məlumat yayıb.
Noyabrın 15-17-də keçirilən 49-cu ASEAN Liderlər Sammiti ərəfəsində yüzlərlə insan Trampın səfərinə və Yaxın Şərqdəki münaqişələrə etiraz etmək üçün küçələrə çıxıb.
Yeni Vətənpərvərlər Alyansının çağırışı ilə təşkil olunan aksiyanın iştirakçıları sammitin keçirildiyi əraziyə doğru yürüş etmək istəyiblər. Lakin polis nümayişçilərin qarşısını kəsərək onların irəliləməsinə imkan verməyib. Nəticədə tərəflər arasında qarşıdurma yaranıb.
Etiraz aksiyasının təşkilatçılarından biri Teddi Kasino Filippin Prezidenti Ferdinand Markos Jr.-ı da tənqid edib. O, hökumətin xarici liderləri qəbul etməyə üstünlük verdiyini, lakin ölkə əhalisinin problemlərinin həllinə kifayət qədər diqqət ayırmadığını bildirib.
Aktivist qruplar sammit boyunca Trampın səfərinə və regiondakı siyasi proseslərə qarşı etirazlarını davam etdirəcəklərini açıqlayıblar.
Qeyd edək ki, 15-17 noyabr tarixlərində keçirilən ASEAN sammitində Cənub-Şərqi Asiya ölkələrinin liderləri ilə yanaşı, ABŞ, Çin və Yaponiya nümayəndələrinin də iştirakı gözlənilir. Görüşlərdə Yaxın Şərqdəki münaqişələrin iqtisadi təsirləri, Myanmadakı vəziyyət və Cənubi Çin dənizindəki mübahisələr müzakirə olunur.
23:22 15.11.2026
Oxunuş sayı: 87
