Norveç Ukraynaya 200 avtobus və ponton körpüləri göndərir
Norveç Ukraynaya dörd ponton körpüsü və 200 avtobus göndərəcək.
Crossmedia.az xəbər verir ki, bu barədə Avropa Komissiyasının Ukrayna Prezidenti Volodimir Zelenskinin İrlandiyaya səfərinin yekunları ilə bağlı yaydığı açıqlamada bildirilib.
Açıqlamada qeyd olunub ki, Avropa İttifaqı Ukraynaya dəstəyini davam etdirəcək. Qış mövsümündə ölkənin elektrik enerjisi ilə təminatına kömək məqsədilə ehtiyatlardan 500 generator göndəriləcək, həmçinin təcili yardım mərkəzlərinin yaradılmasına və zəruri avadanlıqların təmin edilməsinə dəstək göstəriləcək.
Bundan əlavə, Norveçdən dörd ponton körpüsünün və 200 avtobusun tədarükünə yardım ediləcəyi vurğulanıb.
Qeyd edək ki, son dövrlərdə Dnepr çayı üzərindəki bəzi körpülərin zədələnməsi Kiyevdə nəqliyyat əlaqələri ilə bağlı problemlər yaradıb. Şəhər rəhbərliyi müvəqqəti ponton körpülərinin tikintisinə də hazırlaşır.
21:00 15.11.2026
Oxunuş sayı: 105
