Xarici xəbərlər
Estoniya Rusiya ilə sərhədi bu tarixdən etibarən bağlayır – Qonşu ölkələrə də məlumat verildi
Estoniya dekabrın 1-dən Rusiya ilə sərhəddəki bütün sərhəd-keçid məntəqələrini bağlamağı planlaşdırır.
Crossmedia.az xəbər verir ki, bu barədə Estoniyanın xarici işlər naziri Marqus Tsaxkna məlumat verib.
Nazir bildirib ki, Tallinn bu qərar barədə Finlandiya, Latviya və Litvanın xarici işlər nazirlərini də məlumatlandırıb.
“Estoniya dekabrın 1-dən Rusiya ilə sərhəddəki bütün keçid məntəqələrini bağlayacaq. Bu barədə Finlandiya, Latviya və Litvadakı həmkarlarıma məlumat vermişəm”, – deyə Tsaxkna "X" sosial şəbəkəsində yazıb.
Estoniyanın daxili işlər naziri İqor Taro isə daha əvvəl sərhədin bağlanması ilə bağlı qərarın gələn həftə hökumətin iclasında qəbul ediləcəyini bildirmişdi. Onun sözlərinə görə, məhdudiyyətlər müvəqqəti və ya daimi xarakter daşıya bilər.
Beləliklə, sərhəd-keçid məntəqələrinin bağlanması ilə bağlı yekun qərarın hökumətin qarşıdakı iclasında rəsmiləşdirilməsi gözlənilir.
20:21 15.11.2026
Oxunuş sayı: 156
