Aqrar sığorta fəaliyyəti üzrə müstəqil ekspert sertifikatı üçün imtahan keçirilib
9 avqust 2026-cı il tarixində aqrar sığorta fəaliyyəti üzrə müstəqil ekspert sertifikatı almaq istəyənlər üçün test imtahanı keçirilib.
Crossmedia.az xəbər verir ki, imtahan elektron formada keçirilib. Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda nəticələri ilə tanış olmaq imkanı əldə ediblər. Nəticələr həmçinin Dövlət İmtahan Mərkəzinin saytında yerləşdiriləcək.
İmtahanda 15 nəfər iştirak edib. Onlardan 4 nəfər uğur qazanaraq müstəqil ekspert sertifikatı əldə edib.
İmtahan nəticələri ilə bağlı Apellyasiya Komissiyası 10-11 avqust tarixlərində saat 14:00-dan 17:00-dək Dövlət İmtahan Mərkəzinin əsas inzibati binasında fəaliyyət göstərəcək.
18:34 09.08.2026
Oxunuş sayı: 41
