Elm və təhsil

Ingla International ETC-də Özbəkistanın aparıcı universitetlərinin daxili qəbul imtahanları keçirilib

Ingla International Təhsil Mərkəzində Özbəkistanın nüfuzlu ali təhsil müəssisələri olan Daşkənd Dövlət Tibb Universiteti və Əndican Dövlət Tibb Universitetinə qəbul üçün daxili imtahanlar uğurla təşkil edilib.

Crossmedia.az xəbər verir ki, ilk olaraq Daşkənd Dövlət Tibb Universitetinin qəbul imtahanı universitetin rəsmi imtahan komissiyasının iştirakı ilə keçirilib. İmtahan zamanı namizədlərin bilik səviyyəsi kimya və biologiya fənləri üzrə şifahi formatda qiymətləndirilib.

İmtahanda universitetin özbək, rus, ingilis və rus bölmələrinə qəbul olmaq üçün müraciət edən abituriyentlər iştirak ediblər. Qiymətləndirmə prosesinin nəticələrinə əsasən, uğurlu nəticə göstərən namizədlər universitetə qəbul hüququ qazanıblar. Bununla yanaşı, Ingla International Education and Training Center-də Əndican Dövlət Tibb Universitetinin də daxili qəbul imtahanı təşkil olunub. Həmin imtahan universitet nümayəndələrinin iştirakı ilə keçirilib və namizədlər kimya, biologiya və fizika fənləri üzrə biliklərini nümayiş etdiriblər.

İmtahanda ümumilikdə 20-yə yaxın namizəd iştirak edib. Qəbul prosesi Daşkənd Dövlət Tibb Universitetində olduğu kimi rus, ingilis və özbək bölmələri üzrə aparılıb. İmtahanların yekun nəticələrinə əsasən, iştirak edən bütün namizədlər qiymətləndirmə mərhələsini uğurla başa vuraraq seçdikləri ixtisaslar üzrə təhsil almaq hüququ əldə ediblər. Ingla International ETC xarici ali təhsil müəssisələrinə qəbul prosesinin təşkili, sənədləşmə və imtahan mərhələlərinin koordinasiyası istiqamətində fəaliyyətini davam etdirir və tələbələrə beynəlxalq ali təhsil imkanlarından yararlanmaq üçün dəstək göstərir.

Qeyd edək ki, Ingla International ETC Özbəkistan universitetlərinin üç möhtəşəm təhsil sərgisini keçirib. Bu sərgilərdə azərbaycanlı abituriyentlər Özbəkistanın 50-dən çox nüfuzlu universiteti ilə görüşmək, suallarına cavab tapmaq imkanına sahib oldular. Ingla International ETC artıq bu istiqamətdə öz sözünü demiş etibarlı təhsil şirkətidir.

Ayhan

🖨 Çap et

13:56 04.08.2026

Oxunuş sayı: 64