Növbəti il Qarabağ Universitetində tələbələrin sayının iki dəfədən çox olması planlaşdırılır - Nazir
Hazırda Qarabağ Universitetində 1400-dən artıq tələbə təhsil alır. Növbəti ildə bu tələbələrin sayının 2 dəfədən çox olması planlaşdırılır.
Crossmedia.az xəbər verir ki, bunu “Azərbaycan məktəbi" jurnalının 100 illiyinə həsr edilmiş “Azərbaycan məktəbi 100” adlı tədbirdə elm və təhsil naziri Emin Əmrullayev deyib.
O bildirib ki, Qarabağ Universiteti elmi nəşrlərin həm sayının, həm də keyfiyyətinin artmasında mühüm rol oynayacaq: “Qarabağ Universitetinin Pedaqogika fakültəsinin, eləcə də digər ali təhsil müəssisələrində pedaqogika üzrə məşğul olan kafedraların işini müəyyən mənada “Azərbaycan məktəbi” jurnalının nəşrlərində daha çox görmək istəyirik”.
12:47 16.12.2024
Oxunuş sayı: 5109
