Məktəbəqədər təhsil müəssisələrinin fəaliyyəti müzakirə olunub
Paytaxtın Nərimanov rayonundakı məktəbəqədər təhsil müəssisələri rəhbərlərinin kurasiya üzrə görüşü keçirilib.
Crossmedia.az Bakı Şəhəri üzrə Təhsil İdarəsinə istinadən xəbər verir ki, 183 nömrəli körpələr evi-uşaq bağçasında keçirilən görüşdə idarənin müdir müavini Xəyalə Əhmədzadə məktəbəqədər təhsil müəssisələrində təlim-tərbiyə prosesi zamanı mövcud təlimatlara əməl olunması vəziyyəti, fəaliyyətin müasir tələblərə uyğun təşkili, bağçalar üzrə normativ sənədlərin işlənməsi, valideynlərlə əməkdaşlığın gücləndirilməsi, qida təhlükəsizliyi, davamiyyət, qrupların təşkili normaları barədə danışıb, müvafiq tövsiyələrini verib.
Təhsilalanlarla iş sektorunun müdiri Tural Mahmudov, Media və ictimaiyyətlə əlaqələr sektorunun müdiri Bəşarət Məmmədov elektron xidmətlər üzrə fəaliyyətlərin tənzimlənməsi, effektiv kommunikasiya və məktəbəqədər təhsil müəssisələrinin fəaliyyətinin ictimaiyyətə təqdim olunmasının daha səmərəli təşkilinə dair fikirlərini bildiriblər.
Sonra iştirakçıları maraqlandıran suallara cavab verilib, müvafiq təklif və tövsiyələr səsləndirilib.
15:16 11.12.2024
Oxunuş sayı: 26865
