BDU-da “Böhran kampaniyasının idarə edilməsi” mövzusunda görüş keçirilib
İctimaiyyətlə əlaqələrdə böhran kommunikasiyasının idarə edilməsi üzrə beynəlxalq ekspert Ellada Əliyeva Bakı Dövlət Universitetinin (BDU) Jurnalistika fakültəsinin 4-cü kurs tələbələri ilə görüşüb. O, “Böhran kampaniyasının idarə edilməsi” mövzusunda təqdimatla çıxış edib.
Crossmedia.az xəbər verir ki, qonaq tələbələrlə görüş zamanı internet-böhranların idarə edilməsi, böhran üçbucağı, böhran dialoqunun effektiv meyarları, 3R və Storytelling kimi böhran texnologiyaları, həmçinin bu istiqamətdə kommunikasiya planının əhəmiyyəti barədə ətraflı məlumat verib.
Ellada Əliyeva eyni zamanda böhran anında operativ informasiya ötürülməsi (“qızıl saat” prinsipi) əhəmiyyətini də vurğulayıb. O, çıxışında qeyd edib ki, uzun müddət davam edən böhranlar dönüşü olmayan problemlərə səbəb ola bilər.
Sonda böhran kommunikasiya texnologiyalarının tətbiqi ilə bağlı tələbələrlə fikir mübadiləsi aparılıb.
Aytac Bəhruzqızı
14:13 11.12.2024
Oxunuş sayı: 10523
