“Divani Lüğət-it-Türk”ün 950 illik yubileyi UNESCO çərçivəsində qeyd olunacaq
Parisdə türk dünyasının ilk ensiklopedik lüğəti olan “Divanü Lüğat-it-Türk”ün yaradılmasının 950 illiyi şərəfinə “Dünyanın leksikoqrafiyada xəritələşdirilməsi: “Divanü Lüğat-it-Türk”ün 950-ci ildönümü” mövzusunda beynəlxalq konfrans keçiriləcək.
Crossmedia.az xəbər verir ki, konfrans dekabrın 13-də YUNESKO-nun Parisdəki qərargahında baş tutacaq.
Konfransda türk dövlətlərinin UNESCO üzrə Milli Komissiyalarının Baş katibləri və bu ölkələrin həmin təşkilatdakı Daimi Nümayəndələri iştirak edəcək.
Tədbirin məqsədi "Divanü Lüğat-it-Türk"ün dünya mədəniyyətinə, eyni zamanda Türk xalqlarının dilinin inkişafı və mədəni irsinə verdiyi misilsiz töhfələri işıqlandırmaqdır.
Qeyd edək ki, konfrans çərçivəsində Azərbaycan, Qazaxıstan, Qırğızıstan, Türkiyə, Özbəkistan, Türkmənistan, Macarıstan və digər ölkələrdən alimlər, tədqiqatçılar, dövlət və beynəlxalq təşkilatların nümayəndələri bir araya gələrək əsərin tarixi, dilçilik və mədəni əhəmiyyətini müzakirə edəcəklər.
Həmçinin, beynəlxalq konfransda türk dünyasından olan alimlərin təqdimatları ilə yanaşı, Mahmud Kaşğari irsi ilə bağlı görüşlər və araşdırmalar haqqında fikir mübadiləsi aparılacaq.
Bildirək ki, proqramda "Divanü Lüğat-it-Türk"lə bağlı yeni tədqiqatları təqdim edən sessiya və sənədli film də nümayiş etdiricələcək.
Nəzrin Salmanova
13:11 10.12.2024
Oxunuş sayı: 29211
