Aqil Abbas 73 yaşını necə qarşılayır? - Gözləyirəm Ağdamda ev alım, orada yaşayım
Bu gün Azərbaycanın Əməkdar jurnalisti, yazıçı, Milli Məclisin deputatı Aqil Abbasın doğum günüdür. Ziyalımızın 73 yaşı olur.
Crossmedia.az doğum günü münasibətilə Aqil Abbasla əlaqə saxlayıb:
- Bu yaşınızda ən yadda qalan xatirəniz nə oldu?
- Nəbilim o qədər xatirə var ki. İlk övladımın doğulduğu gündür.
- Son illərə qədər ən böyük arzunuz Qarabağın azad edilməsi idi. İndi ən böyük arzunuz nədir?
- Bundan sonrakı ən böyük arzum nəvələrimin xoşbəxtliyidir.
- Siz uzun illər jurnalist işləmisiniz. İndi özünüzü jurnalist kimi görürsünüz yoxsa ictimai-siyasi xadim?
- Mən özümü yazıçı kimi görürəm.
- Xarakter etibarilə səmimi və mehriban insansınız necə düşünürsünüz sizi sevdirən bu xasiyyətinizdir?
- Xeyr, səmimiyyətim.
- Yeni yaşınızda gözləntiləriniz nələrdir?
- Görzləyirəm Ağdam tikilsin qutarsın orada ev alım yaşayım.
Ayhan
15:44 01.04.2026
Oxunuş sayı: 63
