Elm və təhsil

Tələbələr İslam tarixi və mədəniyyəti haqqında mühazirələr dinlədilər

Azərbaycan İlahiyyat İnstitutunun (Aİİ) tələbələri üçün mühazirələr keçirilib. Mühazirələr Gürcüstanda fəaliyyət göstərən Biliklərin İnteqrasiyası İnstitutunun Tədqiqatlar və qrantlar şöbəsinin direktoru professor Elmira Ahmedova tərəfindən Aİİ-də təşkil olunub.

Crossmedia.az xəbər verir ki, İlahiyyat İnstitutundan verilən məlumata görə, rektor Aqil Şirinov mühazirələrin tələbələrin dünyagörüşlərinə, təhsillərinə müsbət təsir göstərəcəyini bildirib.

Mühazirə “İslam sivilizasiyasının sosial prinsipləri”, “İslam tarixinin bir fənn kimi meydana çıxması və tarixi qaynaqlarla araşdırılma üsulları”, “İslam mədəniyyətinə giriş”, “İslamda tarix anlayışı”, “İslam mədəniyyətinin müxtəlif elmlərə təsiri” mövzularını əhatə edib.

Sonda məruzəçiyə Aİİ-nin sertifikatı təqdim olunub.