ABŞ Venesueladan rəqiblərə neft satışını dayandırmağı tələb edib
ABŞ Prezidenti Donald Trampın administrasiyası Venesuelanın vitse-prezidenti Delsi Rodrigesdən Vaşinqtonun “rəqib” hesab etdiyi ölkələrə neft tədarükünü dayandırmağı tələb edib.
Crossmedia.az xəbər verir ki, ABŞ rəsmiləri Delsi Rodrigesə konkret olaraq ən azı üç addım atılmalı olduğunu bildiriblər. Məsələ ilə tanış olan ABŞ rəsmisi və administrasiya daxilində aparılan müzakirələrdən məlumatlı mənbənin sözlərinə əsasən, Vaşinqtonun əsas tələbləri bunlardır: 1)narkotiklərin qanunsuz dövriyyəsinə qarşı tədbirlərin sərtləşdirilməsi. 2) ABŞ-a düşmən münasibət bəsləyən ölkələr və şəbəkələrlə əlaqəli hesab edilən iranlı, kubalı və digər xarici nümayəndələrin Venesueladan çıxarılması.3)ABŞ-ın özünə qarşı mövqedə olan ölkələrə Venesuela neftinin satışının dayandırılması.
Bu tələblər Tramp administrasiyasının Venesuelaya qarşı təzyiq siyasətinin tərkib hissəsi kimi irəli sürülüb. Vaşinqton Karakasın beynəlxalq əlaqələrini məhdudlaşdırmaq və xüsusilə enerji sektorunda ABŞ maraqlarına zidd addımların qarşısını almaq niyyətindədir.
Məlumata görə, ABŞ tərəfi bu şərtlərin yerinə yetirilməsini Venesuela ilə gələcək münasibətlərin formalaşmasında əsas meyar kimi görür. Karakasın bu tələblərə necə cavab verəcəyi və mümkün nəticələr isə hələlik qeyri-müəyyən olaraq qalır.
Nastya Qəniyeva
12:14 06.01.2026
Oxunuş sayı: 2345
