İranda etirazların intensivliyində azalma müşahidə olunur
İranda son iki gündür etiraz aksiyalarının intensivliyində və şiddət səviyyəsində nisbi azalma qeydə alınır.Etirazların ən gərgin mərhələsi 3 yanvar tarixində yaşanıb. Həmin gün ölkənin müxtəlif bölgələrində keçirilən aksiyalar həm iştirakçı sayına, həm də qarşıdurmaların miqyasına görə pik həddə çatmışdı.
Bu barədə Crossmedia.az xarici mediaya istinadən xəbər verir.
Buna baxmayaraq, etirazlar tamamilə dayanmayıb. Aksiyalar davam edir, lakin əvvəlki günlərlə müqayisədə aktivlik və şiddət tempi nəzərəçarpacaq dərəcədə aşağı düşüb. Son günlərdə etirazların daha lokal xarakter daşıdığı, genişmiqyaslı toqquşmaların isə azaldığı bildirilir.
Müşahidəçilər bu azalmanı bir neçə amillə əlaqələndirirlər: təhlükəsizlik tədbirlərinin gücləndirilməsi, etirazçıların taktikasında dəyişikliklər və ümumi ictimai yorğunluq ehtimalı. Eyni zamanda, sosial şəbəkələrdə və yerli mənbələrdə paylaşılan məlumatlar etirazçıların mövqelərindən tam geri çəkilmədiyini, prosesin hələ də dinamik mərhələdə olduğunu göstərir.
Hazırda vəziyyət diqqətlə izlənilir və etirazların növbəti günlərdə hansı istiqamətdə inkişaf edəcəyi açıq olaraq qalır.
Mehriban İbrahimli
11:47 06.01.2026
Oxunuş sayı: 2904
