Kim Çen In nüvə qüvvələrinin gücləndirilməsinin vacibliyini bəyan etdi
Koreya Xalq Demokratik Respublikasının (KXDR) lideri Kim Çen In dünyada baş verən son hadisələr fonunda ölkənin nüvə qüvvələrinin gücləndirilməsinin vacibliyini bəyan edib.
Bu barədə Crossmedia.az xarici mediaya istinadən xəbər verir.
Onun sözlərinə görə, beynəlxalq arenadakı mövcud vəziyyət KXDR-dən nüvə çəkindirmə potensialının möhkəmləndirilməsini tələb edir. Kim Çen In bu fikirləri Koreya Xalq Ordusunun hipersəs raketlərinin buraxılışını əhatə edən atəş-zərbə qrupunun təlimlərini izləyərkən səsləndirib.
KXDR rəhbəri, həmçinin, potensial rəqiblərə qarşı strateji hücum vasitələrinin daimi döyüş hazırlığını və dağıdıcı gücünü fasiləsiz nümayiş etdirməyin zəruri olduğunu vurğulayıb.
Mehriban İbrahimli
11:17 05.01.2026
Oxunuş sayı: 2778
