Nikolas Maduro ABŞ-də məhkəmə qarşısına çıxacaq
Venesuela prezidenti Nikolas Maduro bazar ertəsi yerli vaxtla saat 12:00-da (GMT ilə 17:00) Nyu-Yorkun Cənub Dairəsi üzrə ABŞ Rayon Məhkəməsində çıxış edəcək.
Crossmedia.az bu barədə The New York Times qəzetinə istinadən xəbər verir.
Qəzet yazır ki, eyni vaxtda Maduronun həyat yoldaşı Cilia Adela Flores de Maduro da Manhetten məhkəməsində ifadə verəcək. Dinləmə zamanı ittihamların rəsmi şəkildə oxunması gözlənilir. İşə hakim Alvin Hellerstein sədrlik edəcək.
Məhkəmə sənədlərinə əsasən, Nikolas Maduro narkoterrorizm məqsədilə kokainin idxalında və ABŞ-yə qarşı silah və partlayıcı maddələr saxlamaqda ittiham olunur.
Nəzrin Abbas
09:58 05.01.2026
Oxunuş sayı: 3295
