Putinin Maduroya verdiyi telefon vədi yenidən gündəmə gəlib
Sosial şəbəkələrdə Rusiya prezidenti Vladimir Putinin Venesuela lideri Nikolas Maduroya verdiyi dəstək vədi yenidən xatırladılır. Söhbət 12 dekabr tarixində baş tutduğu bildirilən telefon danışığından gedir.
Crossmedia.az bu barədə xarici mediaya istinadən xəbər verir. Həmin gün Venesuela prezidenti Nikolas Maduro açıqlama verərək, Rusiya prezidenti Vladimir Putinlə telefon danışığı apardığını və bu danışıq zamanı Moskvanın Karakasa “tam və qeyd-şərtsiz dəstək” vəd etdiyini bəyan etmişdi. Maduronun sözlərinə görə, Putin Venesuelanın suverenliyini və mövcud hakimiyyətini dəstəklədiyini açıq şəkildə ifadə edib.
Məsələ indi yenidən gündəmə gəlir, çünki Venesuela ətrafında beynəlxalq gərginlik artmaqda davam edir. ABŞ və bəzi Qərb ölkələrinin Karakasa qarşı təzyiqləri fonunda Moskvanın mövqeyi xüsusi diqqət çəkir. Analitiklər hesab edirlər ki, Kremlin Maduroya verdiyi bu açıq dəstək Latın Amerikasında geopolitik qarşıdurmanın daha da dərinləşəcəyindən xəbər verir.
Sevinc Yarməmmədova
16:50 04.01.2026
Oxunuş sayı: 2618
