Azərbaycan Ordusu “Ice Breaker” raket kompleksi ilə gücləndirilib
Azərbaycan Ordusunun silahlanması müasir texnologiyalarla daha da gücləndirilib. Belə ki, ölkəmizin hərbi arsenalına yeni nəsil “Ice Breaker” adlı qanadlı raket kompleksi daxil edilib.
Crossmedia.az xəbər verir ki, bu barədə İsrailin “Rafael Advanced Defense Systems” şirkəti məlumat yayıb.
Məlumata görə, beşinci nəsil “Ice Breaker” raket kompleksi ilk dəfə Bakıda Azərbaycanın Vətən müharibəsində Qələbəsinin beşinci ildönümünə həsr olunan hərbi paradda nümayiş etdirilib.
“Ice Breaker” kompleksi “Rafael Advanced Defense Systems” şirkəti tərəfindən “Sea Breaker” raket ailəsinin hava buraxılışlı versiyası kimi hazırlanıb.
Yeni silah sistemi müasir avtonom tuşlama mexanizmi, infraqırmızı görüntü sensoru ilə təchiz olunub və həm dəniz, həm də quru hədəflərini uzaq məsafədən dəqiqliklə vurmaq qabiliyyətinə malikdir.
Türkan Kərimli
15:15 10.11.2025
Oxunuş sayı: 1128
