Sənubər İsgəndərli: klassik əsərlərin səhnə həllində yaradıcı yanaşma xüsusi əhəmiyyət daşıyır
Yeni teatr mövsümündə kollektivimizin qarşısında mühüm və çox maraqlı yaradıcılıq planlarının dayanır.
Bunu Akademik Milli Dram Teatrında səhnəyə qoyulan "Dayının yuxusu" tamaşasında Crossmedia.az-a açıqlamasında açıqlamasında xalq artisti Sənubər İsgəndərli deyib.
O, yeni teatr mövsümünün hazırlıq mərhələsinin artıq başladığını, müxtəlif əsərlər üzərində məşqlərin aparıldığını qeyd edib. Aktrisa qarşıdakı mövsümdə tamaşaçıların fərqli janrlarda hazırlanan yeni səhnə əsərləri ilə tanış olacağını bildirib.
“Yeni əsərlərin məşqləri başlayıb. İnşallah, bu proses davamlı olacaq. Çünki bu il bizi müxtəlif janrlarda bir-birindən fərqli klassik əsərlərin premyeraları gözləyir. Bu baxımdan qarşıdakı teatr mövsümünün kollektiv üçün həm yaradıcılıq, həm də səhnə fəaliyyəti baxımından məhsuldar olacağına inanıram. Hər bir yeni tamaşa üzərində işləmək böyük məsuliyyət və zəhmət tələb edir. Əminəm ki, aktyor heyəti və yaradıcı kollektiv qarşıya qoyulan vəzifələrin öhdəsindən layiqincə gələcək. Bütün kollektivimizə uğurlar arzulayıram”, - deyə Sənubər İsgəndərli bildirib.
Xalq artisti əlavə edib ki, yeni mövsümdə klassik əsərlərin səhnə həllində yaradıcı yanaşma xüsusi əhəmiyyət daşıyır. Onun sözlərinə görə, tamaşaçıların marağını nəzərə alaraq müxtəlif mövzuları və janrları əhatə edən səhnə əsərlərinin hazırlanması teatrın yaradıcılıq fəaliyyətinin əsas istiqamətlərindən biri olacaq.
19:50 17.09.2026
Oxunuş sayı: 248
