Laricani: Azərbaycana hücum etməyin mənası yoxdur
İranın Ali Milli Təhlükəsizlik Şurasının katibi Əli Laricani bildirib ki, Azərbaycan ilə İranın heç bir problemi yoxdur və bu ölkəyə hücum etməyin mənası yoxdur.
Crossmedia.az bu barədə xarici mediaya istonadən xəbər verir.
O qeyd edib ki, düşmənlər bölgədəki hərbi bazalardan İrana qarşı hücum etdikdə, Tehran buna cavab verir və verməkdə davam edəcək. Laricani bunun İranın hüququ və dəyişməz siyasəti olduğunu vurğulayıb.
Onun sözlərinə görə, bəzi qüvvələr regionda qarışıqlıq yaratmağa çalışır. Laricani iddia edib ki, Azərbaycana gedərək zərbə endirən dronla bağlı İranın heç bir əlaqəsi yoxdur və bu məsələdə İsrail plan quraraq bəzi ölkələri İranla münaqişəyə cəlb etmək istəyir.
İran rəsmisi həmçinin bildirib ki, region ölkələri öz ərazilərindən İrana qarşı istifadə olunmasının qarşısını almalıdır. Əks halda, Tehran bunun qarşısını almaq üçün özü tədbir görəcəyini açıqlayıb.
Laricani əlavə edib ki, İranın region ölkələri ilə ümumilikdə problemi yoxdur.
09:15 08.03.2026
Oxunuş sayı: 197
