134 saka quşu müsadirə edildi – Sahibinə 1,4 milyon lirəlik cəza
Türkiyənin Ankara şəhərində keçirilən yoxlamalar zamanı qanunsuz şəkildə yetişdirilərək xaricə satıldığı müəyyən edilən 134 saka quşu ələ keçirilib.
Crossmedia.az xəbər verir ki, Türkiyənin Təbiəti Mühafizə və Milli Parklar Baş İdarəsinin (DKMP) əməkdaşları hüquq-mühafizə orqanları ilə birgə daxil olan məlumat əsasında əməliyyat keçiriblər.
Axtarış zamanı saka quşlarının kommersiya məqsədilə qanunsuz yetişdirildiyi müəyyən olunub. Quşların xarici mənşəli cinslərlə cütləşdirilərək yetişdirildiyi, nəticədə “saka hibridi” adlandırılan quşların da əldə edildiyi bildirilib.
Əməliyyat zamanı 134 quş müsadirə edilərək mühafizə altına götürülüb.
Qanunsuz yetişdirmə və ticarətlə məşğul olduğu müəyyən edilən şəxs barəsində qanunvericiliyə uyğun olaraq 1 milyon 410 min 656 Türkiyə lirəsi məbləğində inzibati tədbir görülüb.
22:43 08.10.2026
Oxunuş sayı: 53
