Əli Kərimli Azərbaycana xəyanətin simvoludur...
Dövlətə xəyanət maddəsi ilə istintaqa cəlb edilmiş Ramiz Mehdiyev işi ilə bağlı Xalq Cəbhəsi Partiyasının sədri kimi təqdim edilən Əli Kərimlinin evində axtarış aparıldığı ilə bağlı məlumatlar yayıldı. Cəmiyyət bu xəbərə təəccübləndimi?- Xeyir!
Bu elə bir qanunauyğunluq, elə bir sinerjidir ki, əgər bir yerdə Azərbaycan dövlətinə və xalqına xəyanətdən söhbət gedirsə, o prosseslərdə Əli Kərimlinin olmaması mümkünsüzdür.
Əli Kərimli Azərbaycan dövlətinə xəyanətin simvoludur.
Əgər Ramiz Mehdiyev bu xəyanəti onsuz etmək fikrinə düşsə idi, heç şübhəsiz , Əli Kərimli ondan bərk inciyərdi.
Məlum olduğu kimi, son illər Xalq Cəbhəsi Partiyası siyasi institutsional təşkilat olmaqdan uzaqlaşaraq, özünü "mənzil şeyxi" elan etmiş bir şəxsin "təriqət" məfkurəsi ilə idarə olunur. Çox təəssüflər olsun ki, siyasi partiya fəaliyyətinin heç bir çalarlarını özündə əks etdirməyən AXCP daha çox özünü təriqət , Əli Kərimli təriqət şeyxi, fəallar isə şeyxin müridləri kimi davranırlar. Günlər keçdikcə çox aydın şəkildə görünür ki, AXCP ölkənin siyasi sistemi, təriqətin mənzil şeyxi Əli Kərimlinin zərərli fikirləri isə Azərbaycan cəmiyyəti üçün ciddi təhdid rolunda çıxış edir. Hesab etmək olar ki, bu məsələ ilə bağlı dözümlü yanaşmağın vaxtı çoxdan keçib. Hüquq mühafizə orqanları bu istiqamətdə barışmaz mövqedən çıxış etməli və bu xəyanət çetəsinin fəaliyyəti durdurulmalıdır.
Ölkəmizin qarşısında elə taleyüklü, geosiyasi, geoiqtisadi çağırışlar dayanıb ki, milli maraqlara təhdid rolunda çıxış etmə ehtimalı olan istənilən şəxsin və təşkilatın fəalliyyəti bloklanmalıdır. Biz riskə gedə bilmərik.
Azərbaycan bayrağının Şuşada dalğalanmasından qürurlanmayan, iki yüz il sonra bərpa edilmiş Dövlət Suverenliyinin mahiyyətini anlamayan, Böyük qayıdışın fəlsəfəsini dərk etməyən, Bakıda keçirilən Zəfər Paradından gözləri sevinc yaşlarından dolmayan heç kəsin bu ölkənin siyasi sistemində özünü aktor kimi təqdim etməyə mənəvi haqqı yoxdur!
Miraj
22:49 29.11.2025
Oxunuş sayı: 1793
