Almaniya Ukraynaya 1,9 milyard avro əlavə hərbi yardım ayırır
Almaniya Ukraynaya 1,9 milyard avro əlavə hərbi yardım ayırır.
Crossmedia.az xəbər verir ki, bu barədə Almaniyanın müdafiə naziri Boris Pistorius Ukrayna Prezidenti Volodimir Zelenski ilə görüşdən sonra keçirilən birgə mətbuat konfransında danışıb.
Onun sözlərinə görə, yeni yardım paketi əsasən uzaqmənzilli raket sistemlərinin maliyyələşdirilməsinə yönələcək.
Pistorius əlavə edib ki, Rusiya ilə müharibənin başladığı 2022-ci ilin fevralından bu yana Almaniyanın Ukraynaya göstərdiyi ümumi maliyyə, hərbi və humanitar yardım 47,8 milyard avro təşkil edir. O, bu dəstəyi Avropanın təhlükəsizliyi və sülhü üçün həyati əhəmiyyətli adlandırıb:
“Taurus” raketləri bu paketdə yer almır
Mətbuat konfransı zamanı Almaniyanın Ukraynaya “Taurus” qanadlı raketlərini verib-verməyəcəyi ilə bağlı suala da aydınlıq gətirilib. Pistorius bu raketlərin gündəmdə olmadığını bildirib:
“Bu barədə düşünmürük. Cavabım qısadır – xeyr”.
Qeyd edək ki, Ukrayna uzun müddətdir Almaniyadan 500 kilometrdən artıq mənzilə sahib və Rusiya ərazisinin dərinliklərindəki hədəfləri vurmaq qabiliyyətinə malik “Taurus” raketlərini tələb edir. Lakin rəsmi Berlin bu addımı atmaqda tərəddüd edir.
21:50 12.06.2025
Oxunuş sayı: 9110
