Vüqar Zifəroğlu: Azərbaycançılıq ideologiyası daha çox təbliğ olunmalıdır
Azərbaycançılıq ideologiyası daha çox təbliğ olunmalıdır.
Crossmedia.az xəbər verir ki, bunu Mətbuat Şurasının sədri Vüqar Zifəroğlu jurnalistlərə açıqlamasında deyib.
O bildirib ki, cəmiyyət müasir dövrdə informasiya müharibəsi və ya manipulyasiyası kimi bir çox ciddi problemlərlə üz-üzədir:
"Eyni zamanda informasiya müharibəsində əsas hədəflərdən də biri ideoloji hədəflər olur. Azərbaycançılıq ideologiyası bu mənada bizim yalnız öz milli-mənəvi dəyərlərimizi və dövlətçilik ənənələrimizi qorumaq baxımından əhəmiyyətli deyil. Həm də bu informasiya müharibəsində, yeni dövrün çağırışlarında biz bu ideologiyanın ətrafında daha sıx birləşməliyik. Bu ideologiyanın bizə öyrətdiyi təməl prinsiplərdən irəli gələrək mövcud manipulyasiyaların, bizə qarşı olan informasiya müharibəsinin modellərinin qarşısı gələ bilək".
Sədr əlavə edib ki, Azərbaycançılıq ideologiyası bizim dövlətçiliyimizin təməl prinsipidir:
"Bu mənada məhz həmin ideologiyadan irəli gələn çağırışlar, həmçinin bizim bax bu gün bəzi hallarda üz-üzə qaldığımız informasiya müharibəsinə və media manipulyasiyasına qarşı mübarizəmizdə və həmçinin cəmiyyətimizin bu problemlərə qarşı bir instinktinin formalaşmasında olduqca önəmli rol oynayır".
15:25 12.11.2026
Oxunuş sayı: 54
