Rusiya Ukraynanın hərbi aerodromlarını vurduğunu açıqlayıb
Rusiya Silahlı Qüvvələri Ukrayna ordusunun hərbi aerodromlarına və müxtəlif bölgələrdə yerləşən hərbi mövqelərinə zərbələr endirdiyini bildirib.
Crossmedia.az xəbər verir ki, Rusiyanın Müdafiə Nazirliyi bu barədə məlumat yayıb.
Nazirliyin açıqlamasına əsasən, hərbi aerodromlarla yanaşı, Ukrayna hərbçilərinin 154 müxtəlif ərazidə yerləşən müvəqqəti dislokasiya məntəqələri də hədəfə alınıb.
Rusiya Müdafiə Nazirliyi əməliyyatların nəticələri və vurulan zərərin miqyası barədə əlavə məlumat təqdim etməyib.
Bundan əvvəl Rusiya qüvvələrinin noyabrın 12-nə keçən gecə Kiyevdə yerləşən “Generator” zavoduna zərbə endirdiyi bildirilmişdi.
Rusiya mediasının məlumatına görə, raket-kosmik sənaye müəssisəsi olan zavodda “Hornet” tipli orta mənzilli pilotsuz uçuş aparatları istehsal edilir.
Bundan başqa, Kiyev vilayətində bir neçə müəssisənin də Rusiya zərbələrinin hədəfi olduğu iddia edilib.
Ukrayna tərəfinin bu açıqlamalara münasibəti barədə məlumat verilməyib.
13:20 12.11.2026
Oxunuş sayı: 36
