Bakıda avtomobilin nömrəsini oğurlayıb 2000 manat tələb ediblər
Avtomobilin dövlət qeydiyyat nişanını oğurlayan şəxslər saxlanılıblar.
Crossmedia.az xəbər verir ki, Daxili İşlər Nazirliyinin Mətbuat Xidməti bu barədə məlumat yayıb.
Binəqədi rayonu ərazisində “Hyundai” markalı avtomobilin dövlət qeydiyyat nişanının oğurlanması və geri qaytarılması müqabilində sahibindən 2000 manat tələb edilməsi barədə polisə müraciət daxil olub.
Polisin keçirdiyi tədbirlərlə əməli törədən 39 yaşlı T.Sultanov və 34 yaşlı R.Məmmədov müəyyən edilərək saxlanılıblar.
Faktla bağlı araşdırma aparılır.
11:50 12.11.2026
Oxunuş sayı: 39