Ərdoğan və Pezeşkian regional məsələləri müzakirə ediblər
Türkiyə Prezidenti Rəcəb Tayyib Ərdoğan ABŞ və İran arasında müharibənin dərhal dayandırılmasına çağıraraq regionda sabitliyin təmin olunması üçün diplomatik səylərin artırılmasının vacibliyini vurğulayıb.
Crossmedia.az xəbər verir ki, “Anadolu” agentliyi bu barədə məlumat yayıb.
Ərdoğan noyabrın 12-də Antalyada keçirilən BMT-nin İqlim Dəyişmələri üzrə 31-ci Konfransı (COP31) çərçivəsində İran Prezidenti Məsud Pezeşkianla görüşüb.
Görüş zamanı Türkiyə və İran arasında ikitərəfli münasibətlər, regional və qlobal məsələlər müzakirə olunub.
Türkiyə Prezidenti ABŞ və İran arasında müharibənin dərhal dayandırılmasının vacibliyini bildirərək diplomatiyaya imkan yaradılmalı olduğunu qeyd edib.
Onun sözlərinə görə, danışıqlar yolu ilə regionda sabitliyin təmin edilməsi və yeni əməkdaşlıq mərhələsinin başlanması mümkündür.
Ərdoğan həmçinin Türkiyənin regiondakı qardaş ölkələrlə birlikdə sülhün təmin olunması istiqamətində səyləri dəstəkləməyə davam edəcəyini vurğulayıb.
14:39 12.11.2026
Oxunuş sayı: 32
