Mərkəzi Elmi Kitabxanada Konstitusiya Günü ilə bağlı sərgi keçirilir
Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) 12 Noyabr – Azərbaycan Respublikasının Konstitusiya Günü münasibətilə sərgi təşkil olunub.
Crossmedia.az xəbərverir ki, sərgidə Azərbaycan Respublikasının Konstitusiyası, konstitusiya hüququ, dövlət və hüquq nəzəriyyəsi, insan hüquq və azadlıqları, suverenlik, qanunvericilik və hüquqi dövlət quruculuğu ilə bağlı nəşrlər nümayiş olunur.
Onların sırasında “Heydər Əliyev faktın tarixi”, “Heydər Əliyev və Qafqazda sülh prosesi”, “Konstitusiya və suverenlik ilinə həsr olunmuş konfrans materialları”, “Azərbaycan Konstitusiyası və suverenlik”, “Konstitusiya hüququ”, “Hüquq nəzəriyyəsi”, “Hüquq psixologiyası”, “Azərbaycan Respublikasının cinayət hüququ”, “Hüquqi dövlət və Konstitusiya”, “Hüquq ensiklopediyası”, “Xarici ölkələrin konstitusiya (dövlət) hüququ”, “Mülki məcəllə: suallar və cavablar” və digər dəyərli nəşrlər yer alıb.
Bununla yanaşı, sərgidə uşaq hüquqları, insan hüquqlarının müdafiəsi və hüquqi maarifləndirmə mövzularını əhatə edən kitablar da təqdim edilir.
Sərgi oxucuların hüquqi biliklərinin artırılması, Konstitusiyanın dövlət və cəmiyyət həyatındakı rolunun daha dərindən öyrənilməsi baxımından əhəmiyyət daşıyır.
Sərgi iki həftə müddətində davam edəcək.
14:30 12.11.2026
Oxunuş sayı: 36
