“Bölgə teatrlarının Bakı premyeraları” layihəsinə yekun vurulub
Azərbaycan teatr sənətinin inkişafına töhfə vermək məqsədilə Akademik Milli Dram Teatrı, Azərbaycan Respublikası Mədəniyyət Nazirliyi və Azərbaycan Dövlət Televiziyasının dəstəyi ilə həyata keçirilən “Bölgə teatrlarının Bakı premyeraları” layihəsi uğurla başa çatıb.
Layihə çərçivəsində müxtəlif bölgə teatrları paytaxt tamaşaçılarına səhnə əsərlərini təqdim ediblər. Bu teatrlar arasında Gəncə Dövlət Milli Dram Teatrı da yer alıb. Teatrın səhnələşdirdiyi “Qadınlar danışarsa” tamaşası xüsusi maraqla qarşılanıb. Tamaşanın müəllifi Birgül Yeşiloğlu Güler, quruluşçu rejissoru isə Elşad Əhmədovdur.
Layihə çərçivəsində müxtəlif nominasiyalar üzrə mükafatlar da təqdim olunub. “Ən yaxşı qadın aktrisa” mükafatı və Azərbaycan teatr sənətinin inkişafındakı xidmətlərinə görə Azərbaycan Teatr Xadimlər İttifaqının “Sənətkar” medalı xalq artisti Pərvanə Qurbanovaya təqdim edilib. Aktrisa tamaşada “Yuyucu qadın” obrazını canlandıraraq teatrsevərlərin rəğbətini qazanıb.
Ayan Sədi
17:20 13.03.2025
Oxunuş sayı: 561
