Xarici xəbərlər
ABŞ sakini nasaz yanacaqpaylayıcı qurğuya görə 2 milyon dollar udub
ABŞ sakini Brəm Daniyu yanacaqdoldurma məntəqəsindəki nasazlıq sayəsində lotereyada 2 milyon dollar qazanıb.
Crossmedia.az xəbər verir ki, bu barədə “UPI” agentliyi məlumat yayıb.
Daniyunun sözlərinə görə, o, “Sam’s Mart” yanacaqdoldurma məntəqəsində avtomobilinə yanacaq doldurarkən qurğu çek təqdim etməyib. Problemi həll etmək üçün mağazanın kassasına yaxınlaşan kişi həmin vaxt spontan olaraq lotereya bileti almağa qərar verib.
Təsadüfi alış ona 2 milyon dollar qazandırıb. Daniyu baş verənləri inanılmaz adlandıraraq, yanacaqpaylayıcı qurğudakı nasazlıq olmasaydı, bu məbləği qazanmayacağını bildirib.
O, uduşun bir hissəsini atası üçün “Cadillac” markalı avtomobil almağa sərf edəcəyini deyib.
Qeyd edək ki, daha əvvəl ABŞ-ın Nyu-Cersi ştatında “Powerball” lotereyasının naməlum iştirakçısı 847 milyon dollar qazanıb.
05:02 07.11.2026
Oxunuş sayı: 49
