Xarici xəbərlər
Fransa strateji taxıl ehtiyatları yaratmağı nəzərdən keçirir
Fransa hökuməti dəyişən geosiyasi vəziyyət fonunda strateji taxıl ehtiyatlarının yaradılması məsələsini nəzərdən keçirir.
Crossmedia.az xəbər verir ki, bu barədə "RTL" radiostansiyası məlumat yayıb.
Belə ki, Fransa İkinci Dünya müharibəsindən sonra strateji ərzaq ehtiyatlarına malik olsa da, bu sistem 1950-ci illərdə ləğv edilib.
Hazırda ölkədə bir aylıq əsas istehlakı qarşılaya biləcək 4500 taxıl silosu mövcuddur. Lakin onların sahibləri ehtiyatlardan taxıl ixracına dair məhdudiyyətlərlə üzləşmirlər. Bundan başqa, siloların təhlükəsizlik perimetri yoxdur və ünvanları açıq mənbələrdə göstərilir.
Taxıl istehsalçıları AGPB Cerealiers de France assosiasiyasının rəhbəri Erik Tiruən strateji ehtiyatların yaradılmasının vacibliyini vurğulayıb. Onun sözlərinə görə, Fransa ərzaq təhlükəsizliyinə daha ciddi yanaşmalıdır.
Məlumata görə, Fransanın kənd təsərrüfatı naziri Enni Jenevar müvafiq qurumlara işçi qrupunun yaradılması və ayın sonunadək konkret təkliflərin hazırlanması barədə göstəriş verib.
Bu addım Avropa Komissiyasının üzv dövlətləri daxili ərzaq təhlükəsizliyini gücləndirməyə çağıran müraciətindən sonra atılıb.
21:45 06.11.2026
Oxunuş sayı: 77
