Xarici xəbərlər
Rusiya XİN: Ukrayna Rusiyada qanunsuz əməllər üçün “çirkli pullardan” istifadə edir
Ukrayna xüsusi xidmət orqanları Rusiyada qanunsuz əməllərə cəlb etmək üçün “çirkli pullardan” istifadə edir.
Crossmedia.az TASSA-a istinadən xəbər verir ki, Rusiya xarici işlər nazirinin müavini Dmitri Lyubinski bu barədə açıqlama yayıb.
Diplomat bildirib ki, cinayət yolu ilə əldə edilmiş gəlirlərin leqallaşdırılmasına və terrorizmin maliyyələşdirilməsinə qarşı mübarizə kontekstində korrupsiyaya qarşı tədbirlərin gücləndirilməsi zəruridir.
Onun sözlərinə görə, Ukraynanın xüsusi xidmət orqanları Rusiyada, o cümlədən yetkinlik yaşına çatmayan şəxsləri qanunsuz əməllərə cəlb etmək üçün “çirkli pullardan” geniş istifadə edir.
Noyabrın 2-də “Bloomberg” yazıb ki, Rusiya zərbələrinin Ukraynanın hərbi infrastrukturu ilə əlaqəli obyektlərə ciddi ziyan vurması ölkə iqtisadiyyatına mənfi təsir göstərib və Ukraynanın xarici yardımdan asılılığını artırıb.
Agentliyin məlumatına görə, münaqişədən yaranan yorğunluq və Avropa ölkələrində mümkün siyasi dəyişikliklər Kiyevin xarici yardım əldə etməsini çətinləşdirə bilər.
Oktyabrın 16-da Ukrayna Prezidenti Vladimir Zelenski ölkə büdcəsindəki 70 milyard avroluq kəsiri qarşılamaq üçün Avropadan əlavə maliyyə vəsaiti istəyib.
22:08 06.11.2026
Oxunuş sayı: 63
