Xarici xəbərlər
Avropa Komissiyası Rusiyaya qarşı sanksiyalar üzrə daimi ofis yaradıb
Avropa Komissiyası Rusiyaya qarşı sanksiyalarla bağlı fəaliyyətini əlaqələndirəcək ilk daimi ofisini yaradıb. Bu barədə Komissiyanın sözçüsü Siobhan Makqari brifinqdə bildirib.
Crossmedia.az xəbər verir ki, yeni ofisin yaradılması sanksiyalar üzrə koordinatorların yüksək səviyyəli görüşündə elan olunub. Makqarinin sözlərinə görə, qurum Avropa Komissiyasının iqtisadi sanksiyalarla bağlı bütün mərhələlər üzrə fəaliyyətini bir araya gətirəcək.
Sözçü bildirib ki, hazırda Rusiyaya qarşı 22-ci sanksiya paketi üzərində iş aparılır. Paketin təqdim olunma vaxtı açıqlanmayıb.
Avropa Komissiyası daha əvvəl Rusiyaya qarşı sanksiya siyahısının genişləndirilməsini yeni paket hesab etmədiyini bildirmişdi. Qurumun mövqeyinə görə, həmin tədbirlər yeni iqtisadi məhdudiyyətləri əhatə etmirdi.
21:34 06.11.2026
Oxunuş sayı: 79
