Budanov Əbu-Dabidə Rusiya ilə danışıqlarda iştirak edəcək
Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov Əbu-Dabidə Rusiya ilə keçiriləcək danışıqlarda ölkəsini təmsil edən heyətin tərkibində yer alacaq.
Crossmedia.az xəbər verir ki, bu barədə media resursları məlumat yayıb.
Məlumata görə, Prezident Ofisinin rəhbəri gözlənilən danışıqlarda böyük bir sıçrayış gözləmədiyini, lakin görüşün keçirilməsi faktının özünü artıq tərəqqi hesab etdiyini bildirib. Onun sözlərinə görə, tərəflər mövqelərin yaxınlaşdırılması məsələlərini müzakirə edəcəklər. O, həmçinin bu görüşün sonuncu olmayacağını qeyd edib.
Rusiya nümayəndə heyətinə isə Vladimir Medinski rəhbərlik edəcək.
Daha əvvəl "CBS News" telekanalının Budanovun nümayəndə heyətinə rəhbərlik edəcəyi barədə yaydığı məlumat sonradan silinib. Prezident Ofisinin nümayəndəsi Dmitri Litvin də Budanovun nümayəndə heyətinə rəhbərlik edəcəyini demədiyini, yalnız Əbu-Dabidəki görüşdə iştirak edəcəyini dəqiqləşdirib.
21:41 06.11.2026
Oxunuş sayı: 55
