Xarici xəbərlər
“Alatoranlıq” əsasında animasiya serialı hazırlanacaq
“Lionsgate” kinostudiyası məşhur vampir dastanı “Alatoranlıq” əsasında animasiya serialı hazırlayacaq.
Crossmedia.az xəbər verir ki, şirkətin təqdimatında layihənin “Netflix” platformasında yayımlanacağı açıqlanıb.
Məlumata görə, ən azı iki mövsümdən ibarət olacaq serialın istehsalına rəsmi olaraq başlanılıb. Layihənin yayım tarixi hələ açıqlanmayıb.
Studiya orijinal kitab seriyasının müəllifi Stefani Mayerlə gələcək layihələr barədə danışıqların davam etdiyini də bildirib.
“Alatoranlıq” əsasında animasiya serialının hazırlanacağı barədə ilk məlumat 2024-cü ildə yayılıb. Ekran əsəri Edvard Kallenin dilindən nəql olunan “Gecəyarısı günəşi” kitabı əsasında çəkiləcək.
Qeyd edək ki, daha əvvəl “Qəribə hadisələr” serialının prikvelinin (hadisələrdən əvvəlki dövrü əks etdirən ekran əsəri) yayım tarixi açıqlanıb. Yeni layihənin hadisələri 1950-ci illərdə, “Qəribə hadisələr”in əsas süjetindən əvvəl Merion şəhərində cərəyan edəcək.
03:02 07.11.2026
Oxunuş sayı: 25
