Xarici xəbərlər
Yeni preparat prostat xərçənginin aktivliyini azalda bilər
Yale Universitetinin alimləri tərəfindən aparılan klinik araşdırmada yeni eksperimental preparatın prostat xərçənginin aktivliyini azaltmaq və xəstələrdə ağrıları yüngülləşdirmək potensialı müəyyən edilib.
Crossmedia.az xəbər verir ki, tədqiqatın nəticələri “Journal of Clinical Oncology” (JCO) elmi jurnalında dərc olunub.
Mütəxəssislər bavutdegalutamid preparatının metastatik kastrasiyaya davamlı prostat xərçəngi olan xəstələrə təsirini araşdırıblar. Bu, testosteron səviyyəsinin azaldılmasına baxmayaraq, şişin böyüməyə davam etdiyi xəstəliyin ağır formasıdır. Tədqiqat iştirakçıları daha əvvəl də müalicə alıblar.
Yeni preparat ənənəvi hormonal müalicə üsullarından fərqli mexanizmlə fəaliyyət göstərir. O, hüceyrələrdə zülalların təbii parçalanma mexanizmindən istifadə edərək androgen reseptorlarını məhv edir. Bu reseptorlar testosteronun şişin böyüməsinə təsirini təmin edən strukturlardır.
04:01 07.11.2026
Oxunuş sayı: 63
